Some time the nicht, ye'll a' carry what stanes ye can
get--an' min' they're o' a serviceable natur'--to Curly's yard. He'll
be o' the ootluik for ye. An,' I say, Curly, doesna your riggin-stane
owerluik the maist o' the toon?"
"Ay, General."
"Ye can see our hoose frae't--canna ye?"
"Ay."
"Weel, ye jist buy a twa three blue lichts. Hae ye ony bawbees?"
"Deil ane, General."
"Hae than, there's fower an' a bawbee for expenses o' the war."
"Thank ye, General."
"Ye hae an auld gun, haena' ye?"
"Ay have I; but she's nearhan' the rivin'."
"Load her to the mou', and lat her rive. We'll may be hear't. But haud
weel oot ower frae her. Ye can lay a train, ye ken."
"I s' tak care o' that, General."
"Scrumpie, ye bide no that far frae the draigon's den. Ye jist keep yer
ee--nae the crookit ane--upo' her ootgoins an' incomins; or raither, ye
luik efter her comin oot, an' we'll a' luik efter her gaein in again.
Jist mak a regiment o' yer ain to watch her, and bring ye word o' her
proceedins. Ye can easy luik roun the neuk o' the back-yett, an' nobody
be a hair the wiser. As sune as ever ye spy her lowse i' the yard be
aff wi' ye to Willie Macwha.
Pages:
115
116
117
118
119
120
121
122
123
124
125
126
127
128
129
130
131
132
133
134
135
136
137
138
139